《Halo 5 Guardians》竞技重整更上一层楼

《Halo 5 Guardians》竞技重整更上一层楼

讲到Xbox最「响朶」嘅独佔Game系列相信非Halo莫属,上年推出嘅半新旧高清重製合集《Halo:The Master Chief Collection》到喉唔到肺兼饱受一众问题所困扰,恐怕唔能够满足一班高要求嘅Halo迷胃口,不过今次343 industries精心炮製嘅《Halo 5: Guardians》, 完全回归经典Hardcore Halo玩法,无论角色嘅武器设定、技能配置以至地图布局等都係以公平行先,务求令游戏更加符合电子竞技嘅条件,大有恢复Halo曾经叱咤MLG电竞场嘅光荣传统之势。虽然FANS喜出望外,但新手入门一啲都唔易,learning curve相对变得较高!

多人对战模式CSR可升可跌

《Halo 5》多人对战模式除咗一级战区係12打12同自由对战互殴模式係冇队友之外、其他例如团队竞技场Random模式、 杀戮之王Team death模式、突破重围同Team swat特警一枪爆头模式都係以classic嘅4打4方式进行。每个模式玩家玩足十场就会计算呢十场嘅表现,包括赢输、K/D等决定玩家拎到咩章,最差係铜章,跟住係银、金、白金、钻石、玛瑙,然后就係全球最Top 200名内嘅champion!而每个再分咗6级,例如玩家本来白金6表现够好,就可以升上钻石1,不过表现差就会降返白金5,唔同平时玩其他FPS,等时间就有得升level,Halo嘅CSR(Competitive Skill Rank)亦即係之前嘅True Skill,绝对係实力嘅表现! 喺竞技场上大家ㄧ开始只有两粒Grenades,Assault rifle 再加一把手枪仔,所有人技能亦相同,冇个人自设武器同技能,而且Friendly Fire On ,射击同走位时要考虑更多、判断更精确去配合队友,所以呢只游戏大忌係同啲乱玩嘅朋友玩,大家将会死得好惨!

爆甲时间要识掌握

Halo一向都係门槛颇高嘅FPS游戏 ,有玩开其他FPS嘅朋友都未必玩得好呢只game,玩Halo基本上係向难度挑战,佢有自己独有嘅武器,要熟悉武器分别唔同嘅特性先会得心应手。攻撀步枪Battle Rifle三发中距係Halo玩家最爱之枪、神射手步枪DMR中远距爆头够準、麦格农手枪中远距打头够powerful!今集亦加入咗好多Halo 4嘅古代普罗米修斯战士制式武器,例如光线步枪、闪雷手枪等同于手枪仔,虽然可以自动追蹤目标但速度慢,大多数玩对战都用Battle Rifle 、DMR最实际! Master Chief超级战士有护盾係Halo自家特色,玩家打对战时要好好运用护盾爆甲嘅时间,尤其今集回甲时间要玩家完全静止先可以快速回复,跑更加不能回复护盾状态,因为爆甲状态可以一枪送你归西,所以爆甲后一定要走佬,留比队友打,唔好贪功!

CG靓绝 故事剧情不够完整

今集故事一共15章,但绝大部份都係打多过讲故事,而整个故事主要目的係四人小队包括Spartan Locke同ODST故事中嘅Spartan Buck一齐揾失踪咗嘅Master Chief,不过咁多个Chapters得两个有讲Master Chief嘅剧情,到最后故事亦冇完整结尾,令人模不着头脑嘅感觉,讲咗DLC唔会包括故事模式,要追剧情就实在有排等!不过今集CG製作非常靓,尤其真人扮演嘅Spartan Locke同Spartan Buck! (以下有剧透成份,唔想知可以Skip呢段)可惜Cortana就比上集差咗,可能係同Forerunner嘅技术合体有关,合体后Cortana有Forerunner嘅知识同记忆变咗奸角,或者係相由心生影响冇上集咁靓啩! 以Heroic难度4人合作模式玩完15章约7小时,呢个故事模式同朋友玩先够好玩,AI方面,唔好靠AI队员帮手,不论玩Easy到Legendary,自己友AI都係废嘅,敌人AI就醒好多,所以都当自己友AI係路人甲算,咪心存一点希望。

重拾对Halo嘅热爱

Kali自《Halo 3》起已对佢嘅Multiplayer非常着迷,佢要求对战嘅技术同未来设计嘅武器、载具等都自成一格兼够晒科幻,还记得开始玩Halo时成日比人秒杀,到交足学费,同队友开自订场练狙练掷Grenade準确度,熟习每支枪嘅玩法,慢慢掌握佢每支枪嘅特性同游戏嘅节奏,係花唔少时间心机去炼成。好多玩家接受唔到开初交学费成日死嘅过程就放弃咗,实在可惜!因为当你能掌握到呢只游戏嘅步伐,就会发现佢係FPS游戏中最讲求技术、策略、反应同队友默契嘅―只Hardcore射击对战游戏! 我敢讲,你能玩得掂Halo,玩其他FPS游戏都唔会难到你!

《Halo 5 Guardians》竞技重整更上一层楼
◆ 宇宙有几浩瀚?玩下故事你就感受到。《Halo 5 Guardians》竞技重整更上一层楼
◆ 科幻游戏点少得呢啲背景。《Halo 5 Guardians》竞技重整更上一层楼
◆ Energy Sword卖飞佛。《Halo 5 Guardians》竞技重整更上一层楼
◆ CG一流。《Halo 5 Guardians》竞技重整更上一层楼
◆ 用奬励包可以抽倒唔同款式嘅Emble。《Halo 5 Guardians》竞技重整更上一层楼
◆ 自设Spartan嘅盔甲款式同颜色,要几型有几型。《Halo 5 Guardians》竞技重整更上一层楼
◆ Halo最好用就係Battlerifle三发步枪。《Halo 5 Guardians》竞技重整更上一层楼
◆ 每局对战或升级后都有奖励。《Halo 5 Guardians》竞技重整更上一层楼
◆ 玩家亦可以用点数或真金白银买套件抽奖。 《Halo 5 Guardians》竞技重整更上一层楼
◆ 抽奖得倒嘅项目次次唔同,有啲card会喺一级战区用,有啲係盔甲款式等。 《Halo 5 Guardians》竞技重整更上一层楼
◆ 玩4v4最好call齐朋友打,唔係遇着啲唔识打,好易累街坊。《Halo 5 Guardians》竞技重整更上一层楼
◆ 打爆人个甲会见倒佢身发光 。《Halo 5 Guardians》竞技重整更上一层楼
◆ Halo讲求速度,大部分情况下冇需要瞄準,太慢,枪咀对头就射! 《Halo 5 Guardians》竞技重整更上一层楼
◆ 最Powerful嘅武器要双方抢,公平竞赛! 《Halo 5 Guardians》竞技重整更上一层楼
◆ 以往集集Lobby揾人都见倒对手个名,今集净係得Emble冇名,感觉好怪。 《Halo 5 Guardians》竞技重整更上一层楼
◆ 準备背刺! Assassination! 《Halo 5 Guardians》竞技重整更上一层楼
◆ 小姐去边?……我去边关你乜L事呀?! 《Halo 5 Guardians》竞技重整更上一层楼
◆ Battlerifle打头三枪致命。《Halo 5 Guardians》竞技重整更上一层楼
◆ CSR展现对战嘅表现,假如成日打输,就会跌Rank!

《Halo 5 Guardians》竞技重整更上一层楼

相关推荐